Brîsa ch’iûc’ srê a l’impruvîs
cómm par strénzer tótt al bûr ca ié.
Anch sl’é pr’ón secònd sòul, d’grîs
quèsi d’un tàimp sàinza parôl
cómm d’ónna smania insèna…
as pôl lasèr incôsa
in gîr pr’al mònd
e l’univèrs s’as vôl…
Pérs l’é al mî vlàir c’at vôl
cómm mé avrévv vló
ct’fóss ogni mumàint cl’éra,
cal gîra e pó a gn’é pió.
Pènsa c’as fa nôt
l’istàss incû
e tótt a gn’é pió
un’ètra vólta, e ’ncòura

Non stringere quegli occhi all’improvviso / come per fermare tutto il buio che c’è. / Anche se per un solo istante, di grigio / quasi d’un tempo senza parole / come d’una smania insana… / si può abbandonare tutto / in giro per il mondo / e l’universo se si vuole… / Persa è la mia volontà che ti vuole / come io avrei voluto / che tu fossi per ogni istante ch’era, / che gira poi non c’è più. / Pensa che si fa notte / di nuovo, anche oggi / e tutto non c’è più / un’altra volta, e ancora

*

La nôt l’é ’n’âria
cèra in dal bûr
tótt mói ca t’é
caschè adôs.
Adès tl’arcgnóss
c’an fóss sòul
un insónni prinzipiè
mó s’al finéss
s’al pséss come l’estèd
a vôlt, tótt int’na vôlta
e té

    

La notte è un’aria / chiara nel buio / infradiciato che ti è / calato addosso. / Adesso la riconosci / che non fosse solo / un sogno cominciato / ma se finisse / se potesse come l’estate / a volte, tutto in una volta / e tu

*

E dîr che dîr al dîs
in tla mî stassa langua
qualla che mé a cgnóss pulîd
da quand sòn nèd.
Al dscòrr adèsi, al dîs
tótt quall cl’à da dîr,
mó mé an ’i capéss un’ôstia,
gnént, prezîs sa fóss
drî a dscòrrer
co’ un furastîr…

 

E dire che parla / la mia stessa lingua / quella che io conosco bene / da sempre. / Chiacchiera lentamente, dice / tutto quello che ha da dire, / ma io non ci capisco un’ostia, / niente, proprio come stessi / parlando / con un forestiero…

*